Surxondaryo ichki ishlar rahbarlari uchun Chilonzor tajribasi boʻyicha oʻquv seminari oʻtkazildi
2026-03-12 18:15:00 / Yangiliklar
Toshkent shahri Chilonzor tumanida “Huquqbuzarliklar profilaktikasi faoliyatini samarali tashkil etish boʻyicha Chilonzor tajribasi”ni oʻrganishga bagʻishlangan bir kunlik oʻquv seminari boʻlib oʻtdi.
Mazkur seminarda Surxondaryo viloyati Ichki ishlar boshqarmasi rahbariyati hamda shahar-tuman ichki ishlar organlari boshliqlari ishtirok etib, huquqbuzarliklar profilaktikasini yanada samarali tashkil etish boʻyicha amaliy tajribalar bilan tanishdi.
Mutaxassislar tomonidan Chilonzor tumanida yoʻlga qoʻyilgan ilgʻor ish usullari, profilaktika ishlarini tizimli tashkil etish, aholi bilan yaqin hamkorlikni kuchaytirish va jamoat xavfsizligini taʼminlash borasidagi samarali mexanizmlar atroflicha tushuntirib berildi.
Seminar davomida ishtirokchilar oʻzlarini qiziqtirgan savollarga batafsil javob olib, oʻzaro fikr va tajriba almashdi. Bu esa hududlarda huquqbuzarliklarning oldini olish, tinchlik va xavfsizlikni taʼminlash ishlarini yanada takomillashtirishga xizmat qilishi taʼkidlandi.
Bunday amaliy seminarlar hududlarda profilaktika ishlarini samarali tashkil etish va ilgʻor tajribalarni keng joriy etishda muhim ahamiyat kasb etadi.
Surxondaryo viloyati IIB Axborot xizmati