Mahallalarda xavfsiz muhit: Namanganda tizimli ishlar tahlil qilinmoqda
2026-03-12 17:50:00 / Yangiliklar
Bosh prokurorning birinchi oʻrinbosari B.Valiyev hamda Ichki ishlar vazirining oʻrinbosari R.Ashropov Prezidentning 05.01.2026-yildagi “Respublika mahallalarida xavfsiz muhitni yaratish yoʻnalishida yaxlit manzilli ishlash tizimini joriy etishga qaratilgan qoʻshimcha chora-tadbirlar toʻgʻrisida”gi PQ-1-sonli hamda “2026-yilda respublika mahallalarida jinoyatchilikning barvaqt profilaktikasi samaradorligini yanada oshirish boʻyicha tashkiliy chora-tadbirlar toʻgʻrisida”gi PQ-2-sonli qarorlari ijrosini taʼminlash maqsadida Namangan viloyatida oʻrganishlari davom etmoqda.
Xususan, ishchi guruh Namangan shahridagi 3-umumtaʼlim maktabi faoliyati bilan tanishdi.
Jarayonda yoshlar taʼlim-tarbiyasi, ularning boʻsh vaqtini mazmunli tashkil etish va huquqbuzarliklarning barvaqt oldini olish borasida amalga oshirilayotgan ishlar oʻrganilib, shuningdek Yaponiya taʼlim modeli asosida joriy etilgan ilgʻor pedagogik tajribalar koʻzdan kechirildi hamda oʻquv jarayoniga biriktirilgan pedagog Goto Mikako bilan muloqot oʻtkazildi.
Shuningdek, maktab kutubxonasi, oshxonasi, sport zali hamda turli fan va qiziqish yoʻnalishlari boʻyicha faoliyat yuritayotgan toʻgaraklar faoliyati bilan tanishildi. Maktabning yoshlar teatr jamoasi tomonidan sahnalashtirilgan spektakl namoyish etildi.
Shahar maktablarida joriy etilgan “Oʻquvchilarning shaxsiy taraqqiyot xaritasi” hamda “34 hafta – 34 kitob” loyihalarining taqdimoti kuzatildi.
Mahalla yettiligi va jamoatchilik faollari bilan uchrashuvda mahallalarda xavfsiz muhitni taʼminlash, yoshlar oʻrtasida huquqbuzarlik va jinoyatchilikning barvaqt profilaktikasini kuchaytirish, bu borada manzilli va tizimli ishlash mexanizmlarini takomillashtirish yuzasidan ustuvor vazifalar belgilab olindi.
Respublika idoralararo muvofiqlashtirish shtabining Namangan viloyatidagi oʻrganishlari davom etmoqda.
IIV huzuridagi Tergov departamenti