Oʻzbekiston Respublikasi Ichki ishlar vazirligining 1-son Toshkent akademik litseyiga oʻqishga qabul qilish uchun eʼlon
2026-03-10 16:50:00 / Yangiliklar
Nomzodlar 1-son Toshkent akademik litseyiga oʻqishga qabul qilish uchun joriy yilning 1-fevral kunidan 15-aprel kuniga qadar (ish kunlari soat 09:00dan 17:00gacha) murojaat etishlari mumkin.
Nomzodlar Toshkent shahar IIBB Maʼnaviy-maʼrifiy ishlar va kadrlar bilan taʼminlash xizmati Ichki ishlar organlariga nomzodlarni qabul qilish markaziga tugʻilganlik haqidagi guvohnoma yoki pasport nusxasi, doimiy roʻyxatda turish manzili koʻrsatilgan hujjati hamda oʻqish joyidan maʼlumotnoma bilan ota yoki onalari ishtirokida murojaat etishlari talab etiladi.
Nomzodlarga qoʻyilgan talablar:
-umumtaʼlim muassasasining 9-sinfini tamomlayotgan boʻlishi.
-Toshkent shahrida doimiy yashash joyiga ega boʻlishi;
Manzil: Toshkent shahar, Mirobod tumani, Said Baraka koʻchasi. (Toshkent shahar IIBB MMIVAKBTX Ichki ishlar organlariga nomzodlarni qabul qilish markazi)