Kiberxavfsizlik oyligi doirasida fuqarolarga xavfsizlik choralari boʻyicha tushunchalar berib borilmoqda
2024-06-15 11:15:00 / Yangiliklar
Jizzax viloyatida oʻtkazilayotgan «Cyber month Jizzakh« tadbirlari doirasida joriy yilning 14-iyun kuni Oʻzbekiston Respublikasi Bosh prokuraturasi huzuridagi Jizzax viloyati Majburiy ijro byurosi xodimlari bilan bank kartalaridagi pullarini asrash, turli xildagi soxta xabarlarga aldanib qolmaslik, shaxsiy maʼlumotlarini uchinchi shaxslarga taqdim etmaslik boʻyicha tushunchalar berildi.
Bundan tashqari, Jizzax viloyatidagi Qoʻshchinor jome masjidi, Qaliya, Nijonlik, Jizzaxlik, Hoji Nuriddin jome masjidlarida juma namoziga yigʻilgan aholiga kiberjinoyatlarning turlari, hozirgi kunda telefonlariga ijtimoiy tarmoqlar orqali kelayotgan xabarlar, ularning haqiqiysi va soxtasini qanday aniqlab olish mumkinligi boʻyicha bergan koʻplab savollariga, oddiy va sodda tushuntirishlar orqali javoblar olishdi.
IIV Tezkor-qidiruv departamenti Kiberxavfsizlik markazi