8-mart – Xalqaro xotin-qizlar kuni munosabati bilan Samarqand viloyati IIBda tantanali tadbir boʻlib oʻtdi
2026-03-08 09:00:00 / Yangiliklar
Tadbirni Samarqand viloyati IIB boshligʻi, general-mayor Toxir Aripov ochib, viloyat ichki ishlar organlarida xizmat olib borayotgan ayol xodimlarni, tizimda uzoq yillar xizmat qilib, bugun nafaqa gashtini surayotgan faxriy xodimalar hamda xizmat vazifasini bajarish chogʻida vafot etgan xodimlarning onalari va ayollarini bayram bilan qutladi.
Xalqaro xotin-qizlar kuni munosabati munosabati bilan oʻtkazilgan tantanali bayram tadbirida bir qator ayol xodimlar Ichki ishlar vazirligining koʻkrak nishonlari hamda Boshqarma boshligʻining esdalik sovgʻalari bilan taqdirlandilar.
Bayram munosabati bilan Ichki ishlar vazirligi tomonidan munosib koʻrilgan 14 nafar ayol xodimlarga 1-2-3-darajali “Benuqson xizmatlari uchun”, “Aʼlo xizmatlari uchun” koʻkrak nishoni, “Faxriy yorliq” va “Esdalik qoʻl soati” tantanali ravishda topshirildi.
Tadbir davomida Ichki ishlar vazirligining buyrugʻiga asosan, bir nafar xodimga “mayor” maxsus unvoni ragʻbatlantirish tariqasida muddatidan oldin berildi.
Mukofotlarni topshirish jarayonida Boshqarma boshligʻi ayol xodimlarning xizmatdagi samarali faoliyati va erishilayotgan natijalar shaxsiy tarkibga oʻrnak boʻlishi, ularning har biri shunday mukofotlarga loyiq ekanligini taʼkidladi.
Samarqand viloyati IIB Axborot xizmati