Surxondaryo viloyati IIB boshligʻining Denov tumanida navbatdagi shaxsiy qabuli oʻtkazildi
2026-03-07 10:55:00 / Yangiliklar
Qabul davomida jismoniy va yuridik shaxslarning vakillari tomonidan ijtimoiy-iqtisodiy hamda huquqiy masalalar yuzasidan murojaatlar qabul qilindi.
Xususan, tergov, qonunbuzilish holatiga huquqiy baho berish, pul oldi-berdi munosabatlariga doir, plastik kartadan pul yechish, ijtimoiy himoya, oila turmush munosabatlari bilan bogʻliq masalalar masʼullar ishtirokida koʻrilib, har bir murojaatlarning yechimi yuzasidan tegishli choralar belgilandi.
Qabul davomida ayrim murojaatlar boʻyicha fuqarolarga amaldagi qonunchilik normalari asosida huquqiy tushuntirishlar berildi. Qoʻshimcha oʻrganish, tekshiruv va muayyan muddat talab etadigan masalalar boʻyicha masʼullarga vazifalar yuklanib, ijrosi Surxondaryo viloyati IIB boshligʻi, polkovnik Timur Ismailov tomonidan alohida nazoratga olindi.
Surxondaryo viloyati IIB Axborot xizmati