Namangan viloyati Namangan tumanida mahallalarda jinoyatchilikning oldini olish borasida amalga oshirilayotgan ishlar oʻrganildi
2026-03-06 18:55:00 / Yangiliklar
Namangan viloyati Ichki ishlar boshqarmasi rahbariyati tomonidan hududlarda jinoyatchilikning oldini olish, huquqbuzarliklar profilaktikasini kuchaytirish hamda mahallalarda xavfsiz muhitni barqaror taʼminlash borasida amalga oshirilayotgan ishlar tizimli ravishda oʻrganib borilmoqda.
Jumladan, navbatdagi oʻrganish ishlari Namangan tumanida tashkil etilib, tumanning “Katta Toshbuloq” va “Olaxamak” mahallalarida xizmat olib borayotgan profilaktika inspektorlarining faoliyati tanqidiy-tahliliy ruhda koʻrib chiqildi. Oʻrganish jarayonida jinoyatchilikning barvaqt oldini olish, aholi murojaatlari bilan ishlash, oilaviy-maishiy nizolarning oldini olish hamda hududdagi kriminogen vaziyatni barqaror saqlash borasida amalga oshirilayotgan chora-tadbirlar atroflicha tahlil qilindi.
Shuningdek, aniqlangan kamchiliklarni bartaraf etish, mahallalarda huquqbuzarliklarning oldini olish boʻyicha profilaktik ishlarni yanada kuchaytirish hamda fuqarolar bilan manzilli ishlashni samarali tashkil etish yuzasidan masʼul xodimlarga aniq topshiriq va koʻrsatmalar berildi.
Hududlarda jinoyatchilikning oldini olish, jamoat xavfsizligini taʼminlash va aholi osoyishtaligini mustahkamlash borasidagi ishlar bundan buyon ham izchil davom ettiriladi.
Namangan viloyati IIB Axborot xizmati