“Payshanba – yoshlar kuni” munosabati bilan IIV ixtisoslashtirilgan maktab-internati oʻquvchilari bilan davra suhbati tashkil etildi
2026-03-05 17:00:00 / Yangiliklar
“Payshanba – yoshlar kuni” munosabati bilan Oʻzbekiston Respublikasi Ichki ishlar vazirligi ixtisoslashtirilgan maktab-internatida Vazirlik Yoshlar ittifoqi yetakchilar kengashi tomonidan oʻquvchilar ishtirokida davra suhbati tashkil etildi.
Mazkur uchrashuv yoshlarning fikr va tashabbuslarini qoʻllab-quvvatlash, ularning takliflarini oʻrganish hamda taʼlim-tarbiya jarayonlarini yanada takomillashtirishga qaratilgan ochiq muloqot tarzida oʻtdi.
Davra suhbati davomida oʻquvchilar oʻzlarini qiziqtirgan savollar bilan murojaat qilib, ichki ishlar organlarida xizmat qilishning masʼuliyatli va sharafli jihatlari haqida batafsil maʼlumotlarga ega boʻlishdi.
Shuningdek, tadbir davomida oʻquvchilar tomonidan taʼlim sifatini yanada oshirish, oʻquv jarayonlarini zamonaviy yondashuvlar asosida tashkil etish, shuningdek, oʻquvchilar oʻrtasida sportni keng targʻib qilish va sogʻlom turmush tarzini shakllantirishga qaratilgan qator amaliy taklif va tashabbuslar ilgari surildi.
Yoshlar tomonidan bildirilgan fikr va takliflar ishtirokchilar tomonidan alohida eʼtibor bilan tinglanib, ularni amaliyotga joriy etish yuzasidan takliflar ishlab chiqish muhimligi taʼkidlandi.
Tadbir yakunida bunday uchrashuvlar yoshlar bilan ochiq muloqotni mustahkamlash, ularning tashabbus va gʻoyalarini qoʻllab-quvvatlash, shuningdek, kelajakda Vatanga sadoqat bilan xizmat qiladigan yetuk kadrlarni tarbiyalashda muhim ahamiyat kasb etishi qayd etildi.