IIV rahbariyati tomonidan Chilonzor tumanida xavfsiz muhitni taʼminlash ishlariga amaliy yordam koʻrsatildi
2026-03-05 10:00:00 / Yangiliklar
Poytaxt tumanlarida jamoat xavfsizligini taʼminlash, huquqbuzarliklarning barvaqt oldini olish hamda profilaktik ishlar samaradorligini oshirish maqsadida tizimli chora-tadbirlar amalga oshirilmoqda.
Shu munosabat bilan Oʻzbekiston Respublikasi Ichki ishlar vazirligi Jamoat xavfsizligi departamenti Huquqbuzarliklar profilaktikasi xizmati boshligʻi, polkovnik Sh. Uralov Toshkent shahri Chilonzor tumani mahallalarida boʻlib, hududlarda xavfsiz muhitni taʼminlash va profilaktika ishlarini tashkil etish holatini oʻrgandi.
Oʻrganishlar davomida profilaktika inspektorlarining xizmat faoliyati, aholi bilan manzilli ishlash tizimi, jinoyatchilik va huquqbuzarliklarning oldini olishga qaratilgan chora-tadbirlar tahlil qilindi.
Shuningdek, hududlardagi kriminogen vaziyat, profilaktik tadbirlarning samaradorligi hamda mahalla instituti bilan hamkorlik masalalari atroflicha koʻrib chiqildi.
Amaliy oʻrganishlar jarayonida ayrim yoʻnalishlarda uchrayotgan kamchiliklarni bartaraf etish, profilaktika ishlarini yanada kuchaytirish va xizmat faoliyati samaradorligini oshirish yuzasidan masʼul xodimlarga tegishli koʻrsatma va amaliy tavsiyalar berildi.
Shu bilan birga, mahallalarda tinchlik va osoyishtalikni taʼminlash, jamoat xavfsizligini mustahkamlash hamda aholi bilan hamkorlikda profilaktik tadbirlarni yanada kuchaytirish borasida vazifalar belgilab berildi.
Hududlarda xavfsiz muhitni taʼminlash, huquqbuzarlik va jinoyatchilikning oldini olishga qaratilgan ishlar izchil davom ettirilmoqda.
IIV JXD Axborot xizmati