Andijon viloyati Xoʻjaobod tumani mahallalarida xavfsiz muhit yaratish boʻyicha amalga oshirilayotgan ishlar oʻrganildi
2026-03-01 14:00:00 / Yangiliklar
Andijon viloyati IIB boshligʻi tomonidan Xoʻjaobod tumanining Mustaqillikning 27-yilligi mahallasida Oʻzbekiston Respublikasi Prezidentining joriy yil 5-yanvar kuni qabul qilingan PQ–1 va PQ–2-son qarorlari ijrosini taʼminlash, shuningdek, “Chilonzor tajribasi” asosida jamoat xavfsizligini mustahkamlash borasida amalga oshirilayotgan ishlar yaqindan oʻrganildi.
Mazkur yoʻnalishda “mahalla yettiligi” faoliyati, ishlab chiqilgan yoʻl xaritalari asosida amalga oshirilayotgan ishlar hamda ularning amaliy natijalari tanqidiy tahlil qilindi.
Muhokamalar jarayonida, ayniqsa, ijtimoiy-maishiy nizolar mavjud oilalar bilan ishlash, yoshlar va xotin-qizlarning bandligini taʼminlash, shuningdek, gʻayriijtimoiy xulq-atvorga ega shaxslar bilan manzilli profilaktik tadbirlarni kuchaytirish zarurligi taʼkidlanib, ushbu yoʻnalishlar boʻyicha masʼullarga aniq topshiriqlar berildi.
Shuningdek, “Chilonzor tajribasi” asosida xavfsiz muhitni shakllantirish, mahallalarni raqamlashtirish, jamoat xavfsizligini zamonaviy axborot texnologiyalari va raqamli yechimlar asosida taʼminlash borasida amalga oshirilayotgan ishlar ham atroflicha oʻrganilib, bu borada ishlarni yanada kuchaytirish boʻyicha vazifalar belgilandi.
Andijon viloyati IIB Axborot xizmati