Qashqadaryo viloyati IIB rahbariyati tomonidan Qarshi shahridagi profilaktika inspektorlari xizmat uylari sharoitlari oʻrganilib, ularni yaxshilash boʻyicha aniq vazifalar belgilab berildi
2026-02-26 11:50:00 / Yangiliklar
Qashqadaryo viloyati IIB boshligʻi polkovnik Abduvoxid Ismoilov Qarshi shahri hududidagi qator mahallalarda faoliyat olib borayotgan profilaktika inspektorlarining xizmat uylari sharoitlari bilan yaqindan tanishdi.
Tashrif davomida xizmat uylarining texnik holati, yashash uchun yaratilgan shart-sharoitlar, moddiy-texnik taʼminot darajasi oʻrganildi.
Oʻrganishlar davomida ayrim xizmat uylari taʼmirga muhtoj ekani aniqlanib, ularni qayta rekonstruksiya qilish va zamonaviy talablar asosida taʼmirlash boʻyicha tegishli mutasaddilarga topshiriqlar berildi.
Shuningdek, profilaktika inspektorlarining samarali xizmat olib borishi uchun qulay shart-sharoitlar yaratish, xizmat uylarini jihozlash hamda kommunal xizmatlar bilan taʼminlash masalalariga alohida eʼtibor qaratildi.
Viloyat IIB boshligʻi tomonidan profilaktika inspektorlarining mahallalarda jamoat tartibini saqlash, huquqbuzarliklarning oldini olish va aholi tinchligini taʼminlashdagi oʻrni beqiyos ekani taʼkidlandi. Shu bois ularning xizmat faoliyatini yanada samarali tashkil etish uchun munosib sharoitlar yaratish ustuvor vazifalardan biri ekani masʼullarga tushuntirildi.
Tashrif yakunida masʼul rahbarlarga aniq vazifalar belgilab berilib, xizmat uylarini bosqichma-bosqich taʼmirlash va zarur jihozlar bilan taʼminlash yuzasidan topshiriqlar berildi.
Bu boradagi ishlar viloyat boʻylab davom ettirilmoqda.
Qashqadaryo viloyati IIB Axborot xizmati