Namangan viloyati IIB ishchi guruhi tomonidan mahallalarda oʻrganish ishlari davom etmoqda
2026-02-26 11:15:00 / Yangiliklar
Boshqarma rahbariyati tomonidan hududlarda olib borilayotgan oʻrganishlar hamda amaliy yordam koʻrsatish ishlari davomida profilaktika inspektorlarining xizmat faoliyati chuqur tahlil qilinib, kelgusidagi ustuvor vazifalar aniq belgilab berilmoqda.
Xususan, boshqarma boshligʻi rahbarligidagi ishchi guruhi tomonidan Uychi tumanining “Istiqlol” va “Tepasaroy” mahallalarida faoliyat olib borayotgan profilaktika inspektorlarining xizmat samaradorligi oʻrganildi. Shuningdek, “Devonabobo” jome masjidida taroveh namozi vaqtida jamoat xavfsizligini taʼminlash yuzasidan amalga oshirilayotgan chora-tadbirlar koʻzdan kechirildi.
Oʻrganishlar davomida masʼul rahbarlar hamda profilaktika inspektorlariga mahallalarda xavfsiz muhitni barqaror saqlash, Toshkent shahrining Chilonzor tumani tajribasi asosida ishlarni tizimli ravishda tashkil etish, shuningdek, PQ-1 va PQ-2-son Qarorlari ijrosini toʻliq taʼminlash yuzasidan aniq topshiriq va koʻrsatmalar berildi.
Namangan viloyati IIB Axborot xizmati