O‘zbеkiston Rеspublikаsi Ichki ishlаr vаzirligi

Oʻzbekiston Respublikasi Ichki ishlar vazirligi “Dinamo” jismoniy tarbiya-sport jamiyati Kengashining tasdiqlangan taqvim rejasiga muvofiq, XXXIV-spartakiada musobaqalari yuqori saviyada va puxta tashkiliy yondashuv asosida tashkil etildi. Mazkur nufuzli sport tadbirida jami 15 ta jamoa ishtirok etib, turli yoʻnalishlar boʻyicha oʻzaro bellashdilar.

Ichki ishlar vazirligi terma jamoasi ushbu musobaqada alohida tayyorgarlik va yuqori masʼuliyat bilan ishtirok etdi. Jamoa sportning 9 ta turi — voleybol, stol tennisi, yengil atletika, xizmat koʻp kurashi, futbol, oʻq otish, shaxmat, qoʻl jangi hamda sambo kurashi boʻyicha bellashuvlarda maydonga tushib, oʻzining jismoniy tayyorgarligi, jamoaviy hamjihatligi va gʻalabaga boʻlgan intilishini namoyon etdi. Soʻnggi natijalarga kura Ichki ishlar vazirligi jamoasi sportning Qoʻl jangi turi boʻyicha 2-oʻrinni, yengil atletika, xizmat koʻp kurashi, voleybol, oʻq otish, shaxmat va sambo kurashi yoʻnalishlarida esa 3-oʻrinlarni egalladi hamda barqaror natija qayd etdi. Musobaqa yakuniga koʻra, umumjamoa hisobida Ichki ishlar vazirligi terma jamoasi faxrli 3-oʻrinni egalladi. Ushbu natija xodimlar oʻrtasida sogʻlom turmush tarzini targʻib qilish, jismoniy tayyorgarlikni mustahkamlash hamda xizmat intizomini oshirish borasida olib borilayotgan tizimli ishlar samarasi ekanini yana bir bor isbotidir.