IIV Akademiyasining Xorijiy kadrlar bilan ishlash fakulteti kursantlari oʻrtasida koʻrik-tanlov oʻtkazildi
2026-02-25 17:35:00 / Yangiliklar
Yoshlarning kasbiy salohiyati, maʼnaviy-axloqiy fazilatlari va vatanparvarlik ruhini yuksaltirish maqsadida tashkil etilgan tadbirda uchta jamoa qatnashdi.
Birinchi shart “Ijodiy yondashuv” deb nomlangan boʻlsa, ikkinchi shartda jamoa aʼzolari jangovar qurollarni qismlarga ajratish va yigʻish, amaliy oʻq otish hamda saf tayyorgarligi boʻyicha oʻz mahoratini koʻrsatdi. Uchinchi shart esa armrestling, estafeta (4x100 metrga yugurish), toʻsinda tortilish va arqon tortish bellashuvlarini oʻzi ichiga oldi.
Qiziqarli va kurashlarga boy oʻtgan koʻrik-tanlov yakunida “Impuls Vostoka” jamoasi birinchi, “Mujestvo” jamoasi ikkinchi, “Triada” jamoasi uchinchi oʻrinni egalladi. Ularga diplom va esdalik sovgʻalari tantanali ravishda topshirildi.
Tadbir huquqni muhofaza qiluvchi organlar uchun professional kadrlar tayyorlash, yosh avlodni milliy va umuminsoniy qadriyatlarga hurmat ruhida tarbiyalash, ular oʻrtasida millatlararo totuvlik va bagʻrikenglikni mustahkamlashga xizmat qildi.
IIV Akademiyasi Axborot xizmati