IIV Qorovul qoʻshinlarida kontrakt boʻyicha harbiy xizmatga qabul qilish uchun tor mutaxassisliklar boʻyicha tanlov eʼlon qilindi
2026-02-23 13:40:00 / Yangiliklar
Oʻzbekiston Respublikasi IIV Qorovul qoʻshinlarida mavjud boʻlgan quyidagi tor mutaxassisliklar boʻyicha boʻsh lavozimlarni butlash maqsadida kontrakt boʻyicha harbiy xizmatga qabul qilish uchun tanlov eʼlon qiladi.
Tibbiyot xizmati lavozimlariga – “Umumiy amaliyot shifokori”- 25 nafar; Tibbiyot xizmati lavozimlariga Oliy tibbiyot muassasalarining “Davolash ishi” yoʻnalishi boʻyicha oliy maʼlumotga ega boʻlgan, harbiy xizmatni oʻtagan yoki zaxiradagi ofitser unvoniga ega boʻlgan, Oʻzbekiston Respublikasi fuqarolarini ofitserlik lavozimlariga kontrakt boʻyicha harbiy xizmatga qabul qilish uchun oʻtkaziladigan saralash tadbirlarida ishtirok etishga taklif etamiz.
Damli Cholgʻuchilar:
1. Trombon — 4 nafar
2. Bariton — 4 nafar
3. Truba — 4 nafar
4. Klarnet — 4 nafar
5. Valtorna — 4 nafar
6. Saksofon — 4 nafar
7. Fleyta — 4 nafar
8. Tuba — 4 nafar
9. Fagot — 4 nafar
10. Goboy — 4 nafar
Urma zarbli cholgʻuchilar:
Universal baraban- 4 nafar
Xonanda va musiqachilar:
1. Akademik xonanda — 4 nafar
2. Bass gitara — 4 nafar
3. Akustik gitara – 4nafar
4. Klavish – 4 nafar
Qorovul qoʻshinlari namunali-koʻrgazmali orkestr xonanda va sozandalari lavozimlariga kontrakt boʻyicha harbiy xizmatga qabul qilish uchun 18 yoshdan 30 yoshgacha boʻlgan, oʻrta, oʻrta-maxsus va oliy maʼlumotga ega boʻlgan, muddatli yoki safarbarlik chaqiruv rezervlarida harbiy xizmatni oʻtagan, boʻy koʻrsatkichi 165 smdan past boʻlmagan kontrakt boʻyicha harbiy xizmatga kirish istagida boʻlgan, Oʻzbekiston Respublikasi fuqarolarini oddiy askarlar va serjantlar tarkibi lavozimlariga kontrakt boʻyicha harbiy xizmatga qabul qilish uchun oʻtkaziladigan saralash tadbirlarida ishtirok etishga taklif etamiz.
Kontrakt boʻyicha harbiy xizmatga kirish istagida boʻlgan hamda yuqoridagi talablarga mos keladigan nomzodlar 2026-yilning 23-fevral kunidan 14-mart kuniga qadar soat 09:00dan 18:00ga qadar 71-298-98-27 raqamiga murojaat qilishlari soʻraladi.
Izoh: Saralashda ishtirok etish uchun faqat yuqorida koʻrsatilgan tor mutaxassisliklarga ega boʻlgan nomzodlar murojaat etishlari soʻraladi.
IIV Qorovul qoʻshinlari qoʻmondonligi Axborot guruhi