IIV huzuridagi Transport va turizm obyektlarida xavfsizlikni taʼminlash departamenti xodimlariga yangi xizmat avtomashinalari tantanali ravishda topshirildi
2026-02-21 15:00:00 / Yangiliklar
Oʻzbekiston Respublikasi Ichki ishlar vazirligi huzuridagi Transport va turizm obyektlarida xavfsizlikni taʼminlash departamenti (TvaTOXT) tizimida xizmat olib borayotgan tarmoq ichki ishlar organlari hududiy boshqarmalari Jamoat xavfsizligi boʻlimi saf boʻlinmalari patrul-post xizmati xodimlariga yangi xizmat avtomashinalari tantanali ravishda topshirildi.
Tadbirda sohada amalga oshirilayotgan islohotlar, jamoat tartibini taʼminlash hamda transport va turizm obyektlarida xavfsizlikni mustahkamlash borasida olib borilayotgan ishlar xususida IIV oʻrinbosari tomonidan alohida toʻxtalib oʻtildi.
Qayd etilganidek, moddiy-texnika bazani yanada kuchaytirish, xodimlar uchun zamonaviy va qulay xizmat sharoitlarini yaratish ustuvor vazifalari ekanligini taʼkidlab oʻtildi.
Topshirilgan xizmat avtomashinalariga Yuzni aniqlash (Face ID) tizimi bilan jihozlangan, GPS-navigatsiya tizimi, videokuzatuv kameralari, aloqa vositalari, mayoqchalar, ovoz kuchaytirgich va sirena tizimlari oʻrnatilib, birinchi tibbiy yordam uchun zarur jihozlar bilan taʼminlangan.
Mazkur xizmat avtomashinalari biriktirilgan hududlarda huquqbuzarliklar va jinoyatlarni oldini olish, jamoat va fuqarolar hamda mol-mulklar xavfsizligini taʼminlash, shuningdek, aeroportlar, vokzallar, koʻngil ochar joylarda, dam olish maskanlarida jamoat tartibini saqlashda faol ishtirok etish maqsadida maxsus jihozlangan “Cobalt” rusumli xizmat avtomashinalar topshirish tadbiri boʻlib oʻtdi.
Ichki ishlar vaziri oʻrinbosari tomonidan topshirilgan mazkur xizmat avtomashinalari nafaqat ichki ishlar organlari faoliyatini samarali tashkil etishga xizmat qilishi, bunday tashabbuslar orqali jamoat xavfsizligini taʼminlash va aholi bilan hamkorlikni mustahkamlashga xizmat qilishini taʼkidlab oʻtildi.
IIV Transport va turizm obyektlarida xavfsizlikni taʼminlash departamenti Axborot guruhi