Ichki ishlar vazirligi Maʼnaviy-maʼrifiy ishlar va kadrlar bilan taʼminlash departamenti rahbariyatining shaxsiy qabuli oʻtkazildi
2026-02-20 20:00:00 / Yangiliklar
Fuqarolarning murojaatlari bilan ishlash tizimi samaradorligini yanada oshirish, aholi bilan ochiq, toʻgʻridan-toʻgʻri va samarali muloqotni yoʻlga qoʻyish, shuningdek, mavjud muammolarga joyida va amaliy yechimlar topish maqsadida Ichki ishlar vazirligi Maʼnaviy-maʼrifiy ishlar va kadrlar bilan taʼminlash departamenti tomonidan shaxsiy va sayyor qabullar muntazam ravishda tashkil etib kelinmoqda.
Mazkur tadbirlar doirasida Vazir oʻrinbosari Sattarov Diyorbek Nematjonovich tomonidan navbatdagi shaxsiy qabul oʻtkazildi. Qabul jarayonida ichki ishlar organi xodimlari hamda fuqarolarning turli yoʻnalishlardagi murojaatlari batafsil tinglanib, har bir masala yuzasidan atroflicha oʻrganish va qonuniy yechim topish choralari belgilandi.
Qabul davomida, jami 32 nafar (shundan, 25 nafari bevosita va 7 nafari videokonferensiya aloqa tizimi orqali) fuqarolar 32 ta masala boʻyicha muammolarini hal etishda koʻmak soʻradi. Vazir oʻrinbosari tomonidan fuqarolarning muammolari eshitilib, ariza mualliflariga malakali huquqiy maslahat va tushuntirishlar berildi hamda masalani hal etish uchun qoʻshimcha muddat talab etiladigan fuqarolarning murojaatlari ijroga qaratilib, masʼullarga topshiriqlar berildi va qonuniy hal etilishi nazoratga olindi.
Mazkur murojaatlarning 16 tasi ishga tiklash (qayta qabul qilish), 3 tasi ishga kirish, 7 tasi xizmat joyini oʻzgartirish (rotatsiya), 1 tasi moddiy yordam, 2 tasi xodimning xatti-harakati yuzasidan, 1 tasi taklif, 2 tasi xodimlar va ularning oila-aʼzolariga ajratiladigan imtiyoz masalalarni tashkil etdi.