Jizzax viloyati Zomin tumanida saxovat va hamjihatlik namunasi: boquvchisini yoʻqotgan ehtiyojmand oila uchun yangi uy barpo etildi
2026-02-20 11:15:00 / Yangiliklar
Bir guruh saxiy insonlar tomonidan Zomin tumani Sh.Rashidov mahallasida yashovchi boquvchisini yoʻqotgan ehtiyojmand oilaga amaliy yordam koʻrsatildi. Xususan, murojaat asosida ichki ishlar tizimida xizmat qilib, nafaqaga chiqqan fidoyi xodimlar tashabbusi bilan ushbu oila uchun yangi uy-joy qurildi.
Qurilish ishlari yakuni bilan uyni egalariga topshirish marosimi oʻtkazildi. Tadbirda Jizzax viloyati IIB boshligʻi hamda IIV mutasaddilari, hudud faollari va jamoatchilik vakillari ishtirok etishdi. Soʻzga chiqqanlar mazkur xayrli ish tashabbuskorlari va ishtirokchilariga minnatdorlik bildirilib, ezgu amal har birimiz uchun ibrat ekanligi qayd etildi. Shuningdek, tashabbuskorlar, usta quruvchilar va xonadon egalariga esdalik sovgʻalari topshirildi.
Tadbir davomida Qurʼon oyatlaridan oʻqilib, dasturxonga osh tortildi.
Bir guruh saxiy insonlar tomonidan Zomin tumani Sh.Rashidov mahallasida yashovchi boquvchisini yoʻqotgan ehtiyojmand oilaga amaliy yordam koʻrsatildi. Xususan, murojaat asosida ichki ishlar tizimida xizmat qilib, nafaqaga chiqqan fidoyi xodimlar tashabbusi bilan ushbu oila uchun yangi uy-joy qurildi.
Jizzax viloyati IIB Axborot xizmati