Namangan viloyati IIB ishchi guruhining navbatdagi oʻrganish ishlari Chortoq tumanida davom ettirildi
2026-02-20 06:25:00 / Yangiliklar
Oʻzbekiston Respublikasi Prezidentining tegishli qaror va topshiriqlari ijrosini taʼminlash, hududlarda jinoyatchilik va huquqbuzarliklarning barvaqt oldini olish, jamoat xavfsizligini mustahkamlash hamda aholi osoyishtaligini taʼminlash maqsadida Namangan viloyatining barcha shahar va tumanlarida kompleks hamda tizimli chora-tadbirlar amalga oshirilmoqda. Mazkur jarayonlar doirasida boshqarma rahbariyati tomonidan hududlardagi kriminogen vaziyat muntazam oʻrganilib, aniqlanayotgan muammolarni bartaraf etish yuzasidan manzilli va amaliy yordam koʻrsatib kelinmoqda.
Xususan, boshqarma boshligʻi rahbarligidagi ishchi guruh Chortoq tumanida boʻlib, tuman hokimi, prokurori hamda boshqa mutasaddi rahbarlar ishtirokida “Baliqli koʻl”, “Oq terak”, “Qoramurut” va “Beshkapa” mahallalari faoliyati chuqur tahlil qilindi.
Oʻrganishlar davomida oila-turmush doirasida sodir etilgan qotillik, tan jarohati yetkazish hamda maishiy zoʻravonlik bilan bogʻliq jinoyatlarning kelib chiqish sabablari va omillari atroflicha muhokama qilinib, ushbu turdagi jinoyatlarning barvaqt oldini olish, profilaktik tadbirlar samaradorligini oshirish hamda manzilli chora-tadbirlarni kuchaytirish boʻyicha aniq vazifalar belgilab berildi.
Shuningdek, Chortoq tumani IIB xodimlari tomonidan hududda jinoyatchilikning barvaqt oldini olish, xususan, Toshkent shahrining Chilonzor tumani tajribasi asosida manzilli ishlarni tashkil etish boʻyicha tayyorlangan taqdimot bilan tanishildi. Har bir yoʻnalish kesimida ustuvor vazifalar aniqlanib, masʼul xodimlar zimmasiga tegishli topshiriqlar yuklatildi hamda ularning ijrosi qatʼiy nazoratga olindi.
Namangan viloyati IIB Axborot xizmati