Kasbiy tayyorgarlikning ilk qadami: malakaviy amaliyot oldi yigʻilishi
2026-02-17 18:35:00 / Yangiliklar
Jazoni ijro etish departamentida Vazirlik Malaka oshirish institutining Nukus filiali Kasbiy tayyorgarlik fakulteti tinglovchilari bilan maxsus kasbiy tayyorlash boʻyicha malakaviy amaliyot oldi yoʻriqnoma yigʻilish boʻlib oʻtdi. Yigʻilishda tinglovchilarga biriktirilgan murabbiylar va Malaka oshirish institutining oʻqituvchi-pedagoglari ishtirok etdilar.
Yigʻilishni Departament boshligʻi oʻrinbosari polkovnik A.Imyaminov olib borib, tinglovchilarning olgan nazariy bilimlarini amaliyot davrida mustahkamlashi, koʻnikmalarini oshirib borishlari xususida shuningdek, tinglovchilarning tasdiqlangan kun tartibi, qonunchilik hamda xizmat intizomiga qatʼiy rioya qilishlari haqida gapirib, masʼul va murabbiylarga bir qator vazifalar qoʻydi. Yigʻilish yakunida, tinglovchilar malaka amaliyoti bilan bogʻliq oʻzlarining qiziqtirgan savollariga javob oldilar.
IIV huzuridagi Jazoni ijro etish departamenti Axborot xizmati