IIV Transport va turizm obyektlarida xavfsizlikni taʼminlash departamentida sohani raqamlashtirish va jinoyatchilikning barvaqt oldini olish choralari koʻrib chiqildi
2026-02-17 17:35:00 / Yangiliklar
Prezident Administratsiyasi masʼul xodimlari boshchiligida IIV Transport va turizm obyektlarida xavfsizlikni taʼminlash departamentida sohaning samaradorligini oshirish, tizimni raqamlashtirish, zamonaviy situatsion tahlil markazini yoʻlga qoʻyish hamda xizmat hududida huquqbuzarlik va jinoyatchilikning barvaqt oldini olish masalalariga bagʻishlangan yigʻilish boʻlib oʻtdi.
Yigʻilishda Transportda xavfsizlikni taʼminlash boshqarmasi xizmat hududida amalga oshirilayotgan profilaktik chora-tadbirlar, jinoyatchilik holatlari tahlili va ularning kelib chiqish sabablari atroflicha koʻrib chiqildi.
Xususan, sohada raqamli texnologiyalarni keng joriy etish, videokuzatuv tizimlarini yagona axborot platformasiga integratsiya qilish, maʼlumotlar bazasini shakllantirish va tezkor axborot almashinuvini taʼminlash orqali xavfsizlikni yanada mustahkamlash zarurligi taʼkidlandi.
Yigʻilish yakunida mutasaddi rahbarlarga aniq vazifalar belgilab berilib, ijroni qatʼiy nazoratga olish boʻyicha tegishli koʻrsatmalar berildi.
IIV Transport va turizm obyektlarida xavfsizlikni taʼminlash departamenti Axborot guruhi