Namangan viloyati IIB rahbariyati tomonidan Toʻraqoʻrgʻon tumanida oʻrganish ishlari olib borildi
2026-02-17 10:55:00 / Yangiliklar
Hududlarda jinoyatchilikka qarshi kurashish, huquqbuzarliklarning barvaqt oldini olish, mahallalarni jinoyatdan xoli hududga aylantirish, shuningdek, Toshkent shahrining Chilonzor tumani tajribasi asosida xizmat faoliyatini samarali tashkil etish boʻyicha tizimli chora-tadbirlar amalga oshirilmoqda.
Jumladan, boshqarma boshligʻi rahbarligidagi ishchi guruh Toʻraqoʻrgʻon tumanining “Kalvak” va “Turkiston” mahallalarida faoliyat olib borayotgan profilaktika inspektorlari bilan uchrashib, ularning jinoyatchilikni oldini olish borasidagi xizmat faoliyati atroflicha tahlil qilindi.
Shuningdek, oila-turmush doirasida sodir etilayotgan qotillik hamda qasddan badanga ogʻir tan jarohati yetkazish jinoyatlarining kelib chiqish sabablari tuman hokimi, prokurori, “mahalla yettiligi” aʼzolari hamda jamoatchilik vakillari ishtirokida tanqidiy-tahliliy ruhda muhokama etildi.
Bundan tashqari, mahallalarni jinoyatdan xoli hududga aylantirish maqsadida aholining mavjud muammolarini manzilli oʻrganish, nizoli oilalar bilan individual tartibda profilaktik ishlarni kuchaytirish, ishsiz aholi bandligini taʼminlash hamda boshqa ustuvor yoʻnalishlar boʻyicha masʼullarga aniq vazifa va topshiriqlar belgilandi.
Namangan viloyati IIB Axborot xizmati