O‘zbеkiston Rеspublikаsi Ichki ishlаr vаzirligi

Vazir oʻrinbosari R.Ashropov Davlatimiz rahbari tomonidan shu yil 27-yanvar kuni Toshkent shahrida xavfsiz muhitni shakllantirish boʻyicha namunali amaliyotni yaratish yuzasidan oʻtkazilgan videoselektor yigʻilishida tergov sifatini oshirish va yangi bosqichga olib chiqish boʻyicha belgilangan vazifalar ijrosi yuzasidan Surxondaryo viloyatida boʻlib, tergovchi va surishtiruvchilarga yaratilgan sharoitlar bilan yaqindan tanishib, muammolarini oʻrganmoqda.

Xususan, viloyatning har bir shahar-tumanida xizmat olib borayotgan tergovchilar bilan suhbatlashib, yurituvidagi jinoyat ishlari va tergovga qadar tekshiruv hujjatlari boʻyicha dastlabki tergov harakatlarini olib borish ahvolini oʻrganmoqda hamda sohada yoʻl qoʻyilgan xato va kamchiliklar, amaliyotdagi mavjud muammoli masalalarni muhokama qilib, tergov sifatini oshirish boʻyicha tegishli koʻrsatmalar berildi.

Bundan tashqari, IIOlarida navbatchilik qismlari faoliyati, “Ye-material” axborot tizimida qayd etilgan jinoyatga oid xabarlarni qonuniy hal etilishi hamda “Soʻrovxona”larda suhbat oʻtkazish amaliyotini toʻgʻri yoʻlga qoʻyilganligi oʻrganilib, sohaviy xizmat rahbarlariga topshiriqlar berildi.

Shuningdek, tergov sifatini yanada yaxshilash, protsessual muddatlarga rioya etish, tergovga qadar tekshiruv hujjatlari yuzasidan qonuniy qaror qabul qilish, jinoyat protsessi ishtirokchilarining barcha vajlarini tergov yoʻli bilan har tomonlama tekshirish, oʻz vaqtida xabarnomalar yuborish, dalillarni oʻz vaqtida olinishi, rasmiylashtirilishida protsessual qonunchilik talablariga qatʼiy rioya etish, jinoyat oqibatida yetkazilgan zararning dastlabki tergov davrida undirilishiga qaratilgan barcha protsessual harakatlarni amalga oshirish, tergovchilarning bilim va koʻnikmalarini oshirib borish yuzasidan tegishli topshiriqlar berildi.

Oʻrganishlar davom etmoqda.

IIV Tergov departamenti