O‘zbеkiston Rеspublikаsi Ichki ishlаr vаzirligi

Ichki ishlar vazirining birinchi oʻrinbosari, general-mayor Rustam Djurayev tomonidan Namangan, Andijon va Fargʻona viloyatlari mahallalarida xavfsiz muhitni yaratishning yaxlit tizimini joriy etish faoliyatiga amaliy yordam koʻrsatildi.

Xususan, hududlarda xizmatni uch smenada tashkil etish, huquqbuzarlik toʻgʻrisidagi har bir xabarga tezkorlik bilan yetib borish hamda kuch va vositalar boshqaruvini tezkor muvofiqlashtirib borish boʻyicha aniq vazifalar belgilab berildi.

Shuningdek, oʻlim bilan bogʻliq, ayniqsa bolalar oʻlimi bilan bogʻliq YTHlarning barvaqt oldini olish, YTH oʻchoqlarini bartaraf etish, yoʻl infratuzilmasini yaxshilash, serqatnov yoʻllar va maktablar atrofida harakat xavfsizligini taʼminlashga koʻmaklashuvchi tizim yaratish, bu borada mutasaddi idoralar va jamoatchilik tuzilmalari bilan hamkorlikni kuchaytirishga alohida eʼtibor qaratildi.

Bundan tashqari, taroveh namozlarida jamoat tartibini saqlash va fuqarolar xavfsizligini taʼminlash borasida amalga oshirilayotgan ishlar oʻrganildi.

Oʻrganishlar boshqa hududlarda ham bosqichma-bosqich davom ettirilmoqda.

IIV Jamoat xavfsizligi departamenti Axborot xizmati