IIV Malaka oshirish institutida xalqaro hamkorlik doirasida yangi amaliy loyiha ishlari amalga oshirilmoqda
2026-02-12 10:00:00 / Yangiliklar
Ichki ishlar organlari xodimlarining intellektual va professional salohiyatini oshirishga qaratilgan loyiha doirasida navbatdagi amaliy ishlar boshlandi.
Oʻzbekiston Respublikasi Ichki ishlar vaziri va Koreya Respublikasining Oʻzbekistondagi elchisi tomonidan imzolangan muzokaralar bayoniga muvofiq Koreya milliy politsiya agentligining tegishli mutaxassislari IIV Malaka oshirish institutiga tashrif buyurdilar.
Tashrif davomida Uchrashuvda Ichki ishlar vazirligi Malaka oshirish instituti boshligʻi, polkovnik O.T.Axmedov, vazirlikning tegishli mutaxassislari va institut rahbariyati ishtirok etdi.
Ochiq va konstruktiv ruhda oʻtgan uchrashuvda loyiha doirasida amalga oshirilgan ishlar bilan tanishish, yuqori aniqlikdagi simulyatsiya oʻquv dasturini ishlab chiqish uchun zarur boʻlgan ixtisoslashtirilgan maʼlumotlar, texnik tadqiqotlar, oʻquv-mashgʻulotlari va mavjud dasturlarning samaradorligini oshirish, IT tizimini joriy etishga boʻlgan ehtiyojlar yuzasidan fikrlar almashildi va muhokama etildi.
Tomonlar rejalashtirilgan tadbirlarning samarali amalga oshirilishida barcha imkoniyatlarni ishga solinishi, shuningdek oʻzaro hamkorlik aloqalarini mustahkamlashdan ikki tomon ham birdek manfaatdor ekanligi taʼkidlandi.
IIV Malaka oshirish instituti