Jizzax viloyatida “Chilonzor tajribasi” asosida jamoat xavfsizligini taʼminlash ishlari oʻrganildi
2026-02-11 11:40:00 / Yangiliklar
IIV “Xavfsiz shahar” tizimlarini rivojlantirish markazi direktori, mayor Ulugʻbek Kulanov tomonidan Jizzax viloyatida Oʻzbekiston Respublikasi Prezidentining joriy yil 5-yanvar kuni qabul qilingan PQ–1-son qarori ijrosi, shuningdek, “Chilonzor tajribasi” asosida jamoat xavfsizligini taʼminlash borasida amalga oshirilayotgan ishlar oʻrganildi.
Vazirlik rahbariyati topshirigʻiga muvofiq, “Chilonzor tajribasi”dan kelib chiqqan holda jinoyatchilik va huquqbuzarliklarning barvaqt oldini olish maqsadida Jizzax viloyati IIB hamda hududiy hokimliklar tomonidan amalga oshirilayotgan ishlar holati tahlil qilindi.
Shuningdek, “Poytaxt tajribasi” asosida viloyatda yangi tezkor shtab barpo etilmoqda. Mazkur tezkor shtabda kundalik monitoring va nazorat tizimi yoʻlga qoʻyiladi.
Shuningdek, tezkor shtab faoliyati Situatsion-tahlil markazi bilan uzviy bogʻlangan holda tashkil etilib, kelib tushayotgan axborotlarni tezkor tahlil qilish, muammolarni joyida hal etish hamda masʼul tashkilotlar oʻrtasida samarali hamkorlikni taʼminlash imkonini beradi.
Oʻrganishlar davomida “Chilonzor tajribasi” doirasida erishilgan ijobiy natijalarni boshqa hududlarda joriy etish, xavfsiz muhitni shakllantirish, mahallalarni raqamlashtirish, aholi bilan muloqotni kuchaytirish hamda profilaktika ishlarini faollashtirish yuzasidan amaliy tavsiyalar berildi.
IIV “Xavfsiz shahar” tizimlarini rivojlantirish markazi