Xalq deputatlari Samarqand viloyat kengashining navbatdagi sessiyasida viloyat IIB boshligʻining hisoboti tinglandi
2026-02-10 11:25:00 / Yangiliklar
Sessiyada viloyat Ichki ishlar boshqarmasi boshligʻi, general-mayor Toxir Aripov viloyatdagi kriminogen vaziyatni yaxshilash, jinoyatlarning oldini olish va huquqbuzarliklarni bartaraf etish boʻyicha amalga oshirilayotgan ishlar haqida hisobot berdi.
Sessiya ishtirokchilari 2025-yil mobaynida koʻrilgan chora-tadbirlar hamda bu sohadagi dolzarb vazifalarga alohida eʼtibor qaratdilar.
Shuningdek, Oʻzbekiston Respublikasi Prezidenti tomonidan oʻtkazilgan tanqidiy selektor yigʻilishida belgilangan vazifalar ijrosi, jumladan, uyushgan jinoyatchilik, narkojinoyatlar, kiberjinoyatchilik va yashirin iqtisodiyotga qarshi kurashish boʻyicha kelgusida amalga oshirilishi lozim boʻlgan vazifalarga alohida toʻxtalib oʻtildi.
Samarqand viloyatini jinoyat va huquqbuzarliklardan holi hududga aylantirish maqsadida tizimda amalga oshirilayotgan ishlar, fuqarolar xavfsizligini taʼminlashga qaratilgan loyihalar boʻyicha batafsil maʼlumot berildi.
Muhokamalar yakunida deputatlar tomonidan bildirilgan taklif va tavsiyalar inobatga olinib, kelgusida bajarilishi lozim boʻlgan ustuvor vazifalar belgilab olindi.
Samarqand viloyati IIB Axborot xizmati