Nukus shahrida mahalla yettiligi faoliyati oʻrganildi: huquqbuzarlik va jinoyatchilikning oldini olish choralari tahlil qilindi
2026-02-10 11:15:00 / Yangiliklar
Oʻzbekiston Respublikasi Prezidentining PQ-1 va PQ-2 qarorlari ijrosini taʼminlash maqsadida Qoraqalpogʻiston Respublikasi Ichki ishlar vaziri, polkovnik Baxtiyar Torebekov huquqbuzarlik va jinoyatchilikning oldini olish maqsadida Nukus shahridagi mahalla yettiligi faoliyati bilan tanishdi.
Dastlab, Qoraqalpogʻiston Respublikasi Ichki ishlar vaziri, polkovnik B.Torebekov Nukus shahri hududida joylashgan “Chimboy choyxona“, “Havo yoʻli“, “Aydin yoʻl“, “Oq orol“, “Doʻstlik guzari“ MFYda boʻlib, mahalla yettiligi tomonidan hududlarda muqaddam sudlangan, jazo muddatini oʻtab kelgan va probatsiya hisobida turuvchi fuqarolarning turmush sharoitini yaxshilash, ularni hayotga moslashtirish yoʻnalishida qilinayotgan ishlar bilan yaqindan tanishdi.
Shuningdek, yoshlar va xotin-qizlar bandligini taʼminlash, ularni kasb-hunarga yoʻnaltirish borasidagi ishlar ham diqqat markazida boʻldi. Bundan tashqari, vazir mahalla yettiligi bilan uchrashuvda mahallalarda yashovchi yolgʻiz yashovchi, ruhiy kasalligi bor fuqarolar, shuningdek, jinoyat sodir etishga moyil shaxslar bilan hamkorlikda qilinayotgan ishlarni ham tahlil qildi.
Qoraqalpogʻiston Respublikasi IIV Axborot xizmati