Xovos tumanida jinoyatchilikning oldini olish va jamoat xavfsizligini taʼminlash boʻyicha oʻrganishlar oʻtkazildi
2026-02-08 16:20:00 / Yangiliklar
Sirdaryo viloyati Ichki ishlar boshqarmasi boshligʻi hamda viloyat prokurori jinoyatchilik va huquqbuzarliklarni oldini olish, aholi xavfsizligini taʼminlash hamda mahallalarda huquqiy tartib-intizomni mustahkamlash maqsadida Xovos tumanining “Doʻstlik” va “Istiqlol” mahallalariga tashrif buyurishdi.
Tashrif davomida Sirdaryo viloyati Ichki ishlar boshqarmasi boshligʻi hamda viloyat prokurori Xovos tumanining “Doʻstlik” va “Istiqlol” mahallalarida faoliyat yuritayotgan mahalla yettiliklari ish faoliyati bilan yaqindan tanishdilar. Ularning jinoyatchilik va huquqbuzarliklarni oldini olish, ijtimoiy muammolarni barvaqt aniqlash hamda aholi bilan ishlash borasida olib borayotgan ishlari tahlil qilindi.
Shuningdek, tashrif doirasida tumandagi 9-son umumtaʼlim maktabiga ham borilib, taʼlim muassasasidagi tartib-intizom, oʻquvchilar davomati, yoshlar oʻrtasida huquqbuzarliklarni oldini olish boʻyicha amalga oshirilayotgan profilaktik ishlar hamda maktab va huquqni muhofaza qiluvchi organlar oʻrtasidagi hamkorlik masalalari koʻrib chiqildi.
Tekshiruv va oʻrganishlar yakunida masʼul rahbarlarga aniq tavsiya va topshiriqlar berildi, shuningdek, aniqlangan kamchiliklarni bartaraf etish boʻyicha tegishli vazifalar belgilandi.
Sirdaryo viloyati IIB Axborot xizmati