Taxiatosh tumanida ogʻir oqibatli jinoyatlar muhokamasiga bagʻishlangan yigʻilish boʻlib oʻtdi
2026-02-08 13:20:00 / Yangiliklar
Qoraqalpogʻiston Respublikasi Ichki ishlar vaziri, polkovnik Baxtiyar Torebekov rahbarligida Taxiatosh tumanida sodir etilgan ogʻir oqibatli jinoyatlar yuzasidan muhokama yigʻilishi boʻlib oʻtdi. Ushbu yigʻilishda mahalla yettiligi, korxona va tashkilot rahbarlari ishtirok etdi.
Yigʻilish davomida hududda jinoyatchilik holati, ayniqsa ogʻir va oʻta ogʻir jinoyatlarning sodir etilishiga sabab boʻlgan omillar atroflicha tahlil qilindi.
Shuningdek, masʼul rahbar va sohaviy xizmatlar tomonidan amalga oshirilayotgan ishlar tanqidiy koʻrib chiqilib, mavjud kamchiliklar boʻyicha tegishli koʻrsatmalar berildi.
Kelgusida bunday jinoyatlarning oldini olish, profilaktik tadbirlarni kuchaytirish va jamoat xavfsizligini taʼminlash boʻyicha aniq vazifalar belgilab berildi.
Qoraqalpogʻiston Respublikasi IIV Axborot xizmati