Samarqand viloyatidagi “Imom al-Buxoriy” majmuasida intellektual videokuzatuv tizimi ishga tushirildi
2026-02-07 18:15:00 / Yangiliklar
Samarqand viloyatidagi “Imom al-Buxoriy” majmuasida tashrif buyuruvchilar xavfsizligini taʼminlash maqsadida zamonaviy intellektual videokuzatuv tizimi joriy etildi.
IIV “Xavfsiz shahar” markazi, “Oʻzbektelekom” AK hamda pudratchi tashkilotlar ishtirokida hudud toʻliq oʻrganilib, loyiha-chizmalari ishlab chiqildi va kelishildi. Majmua va uning hududiga jami 352 ta kamera oʻrnatildi.
Oʻrnatilgan kameralar Samarqand viloyati IIB Tezkor boshqaruv markazi va “Xavfsiz shahar” platformasiga integratsiya qilindi.
Ushbu chora-tadbirlar majmuada jamoat xavfsizligini mustahkamlash, tartibni taʼminlash hamda tashrif buyuruvchilar uchun qulay va osoyishta muhit yaratishga xizmat qilmoqda.
«Xavfsiz shahar” tizimlarini rivojlantirish markazi