IIV Tezkor- qidiruv departamenti xodimlari tomonidan yer sotish bilan bogʻliq firibgarlik va pora berishga dalolat qilish holati aniqlandi
2024-05-31 17:50:00 / Yangiliklar
Joriy yil 18-aprel kuni, Shayxontohur tumanida oʻtkazilgan tezkor tadbir davomida, 1984-yilda tugʻilgan shaxs 1986-yilda tugʻilgan fuqarodan 5 ming AQSH dollari miqdoridagi pullari olayotgan vaqtda ushlandi.
U Yangiyoʻl tumanidagi davlat zaxirasidagi 20 sotix yer maydonidan 4 sotixini mansabdor tanishi orqali kelgusida rasmiylashtirib berishini vaʼda qilib, 20 ming AQSH dollariga sotishga kelishgan holda oldindan boʻnak (avans) sifatida olgan 5 ming AQSH dollari ashyoviy dalil sifatida rasmiylashtirildi.
Koʻrilgan choralar natijasida uning mansabdor tanishi 1973-yilda tugʻilgan Yangiyoʻl tumanida hokim yordamchisi, lavozimida ishlovchi shaxs ekanligi aniqlandi.
Holat yuzasidan IIV huzuridagi Tergov departamenti tomonidan JKning 168-moddasi 4-qismi «a» bandi bilan jinoyat ishi qoʻzgʻatilib, ikki nafar shaxs JPKning 221-moddasi tartibida qamoqqa olindi. Tergov harakatlari davom ettirilmoqda.