Toshkent shahri Mirobod tumanida xavfsiz muhit yaratish, kriminogen vaziyatni barqarorlashtirish maqsadida Qoʻriqlash departamenti boshligʻi rahbarligidagi ishchi guruh amaliy ishlar olib bormoqda
2026-02-06 10:00:00 / Yangiliklar
Davlatimiz rahbarining Toshkent shahrida jinoyat va huquqbuzarliklarning barvaqt oldini olish hamda kriminogen vaziyatni yaxshilash borasidagi topshiriqlari ijrosini taʼminlash maqsadida Ichki ishlar vazirligi huzuridagi Qoʻriqlash departamenti boshligʻi polkovnik Q.A.Shodibekov boshchiligidagi ishchi guruh Mirobod tumanida amaliy ishlar olib bormoqda.
Taʼkidlab oʻtish joizki Mirobod tumani aholi soni va faollik darajasi boʻyicha Toshkent shahrining markaziy tumanlaridan biri boʻlib, kriminogen vaziyat boʻyicha 39 ta mahallaning 4 tasi qizil, 9 tasi esa sariq, 26 tasi yashil toifalarga ajratilgan.
Departament rahbarining topshirigʻi bilan qizil va sariq toifadagi mahallalarda kriminogen vaziyatini yaxshilash maqsadida alohida ishchi guruh tuzilib, Qoʻriqlash departamentining ilmiy markazi bilan hamkorlikda ilmiy asoslarga yondashgan holda hududlarni nazorat qilish ishlari boshlandi.
Alohida reja asosida Toshkent shahrining Mirobod, Yashnobod va Bektemir tumanlarining kesishmasi hisoblanuvchi Qoʻyliq-ota mahallasi va unga tutash hududlarda zamonaviy yuzdan tanuvchi (Face ID) videokuzatuv kameralari, hudud boʻylab SOS tashvish tugmalarini oʻrnatish ishlari boshlandi va patrullik-nazorat tadbirlarini kuchaytirildi.
Tadbirkorlik subyektlari rahbarlari bilan obyektlarni texnik va jismoniy qoʻriqlovga olish, bu orqali obyektlarni xavfsizligini taʼminlash bilan bir qatorda uning atrofida ham jamoat tartibini saqlash borasida tushuntirish mazmunidagi targʻibot ishlari olib borilmoqda.
Tezkor harakatlanuvchi guruhlarning patrullik faoliyati huquqbuzarlik ehtimoli yuqori boʻlgan hududlarga yaqinlashtirildi.
Shuningdek, Ichki ishlar vazirligi akademiyasi kursantlarining sohaviy xizmatlar xodimlari bilan birgalikda xizmatni tashkil etish borasidagi bilimlari amaliyotda mustahkamlanmoqda.
Ichki ishlar vazirligi huzuridagi Qoʻriqlash departamenti