Namangan viloyati rahbarlari tomonidan mahallalarda xavfsiz muhitni shakllantirish boʻyicha xizmatga jalb etilgan shaxsiy tarkibga xizmat oldi yoʻriqnomasi oʻtkazildi
2026-02-03 11:15:00 / Yangiliklar
Namangan shahar, Davlatobod va Yangi Namangan tumanlarida kriminogen vaziyatni barqarorlashtirish, jinoyatchilik va huquqbuzarliklarning barvaqt oldini olish, shuningdek, mahallalarda xavfsiz muhitni shakllantirish maqsadida profilaktika inspektorlari bilan hamkorlikda manzilli ishlarni samarali tashkil etish choralari belgilandi. Mazkur yoʻnalishda har bir mahallaga boshqarma sohaviy xizmatlarining masʼul xodimlari biriktirilib, ularning oʻziga biriktirilgan hududlarda bevosita faoliyat olib borishi qatʼiy belgilab berildi.
Shu munosabat bilan bugun viloyat hokimi Shavkatjon Abdurazzoqov hamda huquqni muhofaza qiluvchi organlar rahbarlari ishtirokida “Dinamo” oʻyingohida boshqarma sohaviy xizmatlarining mahallalarga biriktirilgan masʼul xodimlari, shuningdek, Namangan shahar, Davlatobod va Yangi Namangan tumanlari IIBlarining barcha shaxsiy tarkibi uchun xizmat oldi yoʻriqnomasi tashkil etildi.
Yoʻriqnoma davomida viloyat rahbarlari tomonidan mahallalarni jinoyatdan xoli hududlarga aylantirish, aholining muammolariga tezkor va samarali yechim topish, manzilli profilaktik tadbirlarni tizimli ravishda tashkil etish yuzasidan aniq vazifa va topshiriqlar belgilab berildi. Shundan soʻng shaxsiy tarkib belgilangan tartibda xizmatga yoʻnaltirildi.
Namangan viloyati IIB Axborot xizmati