Samarqand viloyati mahallalarida xavfsiz muhitni taʼminlash boʻyicha manzilli chora-tadbirlar amalga oshirilmoqda
2026-02-03 10:55:00 / Yangiliklar
Samarqand viloyati Ichki ishlar boshqarmasi boshligʻi, general-mayor Toxir Aripov viloyatning Oqdaryo, Pastdargʻom va Ishtixon tumanlarida boʻlib, jamoat xavfsizligini taʼminlash hamda huquqbuzarliklarning oldini olish borasida olib borilayotgan ishlar bilan yaqindan tanishdi.
Xususan Boshqarma boshligʻi, Ishtixon tumanining kriminogen vaziyati ogʻir boʻlgan “Ishtixon” mahallasida boʻlib, mahallani xavfsiz hududga aylantirish maqsadida ishlab chiqilgan choraklik yoʻl xarita bilan yaqindan tanishib, belgilangan vazifalarni oʻz vaqtida ijro etish yuzasidan aniq koʻrsatmalar berdi.
Pastdargʻom tumanining “Nayman” va Oqdaryo tumanining “Mustaqillik” mahallalarida amalga oshirilgan oʻrganishlar davomida ushbu hududlarda faoliyat yuritayotgan “mahalla yettiligi”ning ishlari tanqidiy tahlil qilinib, ular tomonidan amalga oshirilayotgan chora-tadbirlarning samaradorligi koʻrib chiqildi.
Shuningdek, hududlarda fuqarolar xavfsizligini taʼminlashga jalb etilgan shaxsiy tarkib va hamkor tashkilotlar xodimlari bilan yoʻriqnoma oʻtkazilib, ularning oldiga ustuvor vazifalar belgilab berildi.
Samarqand viloyati IIB Axborot xizmati