Toshkent viloyatida IIBB rahbariyatining fuqarolar uchun shaxsiy qabullari davom etmoqda
2026-02-03 09:40:00 / Yangiliklar
Viloyat, tuman va shahar ichki ishlar organlari rahbariyati tomonidan fuqarolarning murojaatlarini oʻz vaqtida koʻrib chiqish hamda ularni samarali hal etish maqsadida har haftalik shaxsiy qabullar tizimli ravishda tashkil etilmoqda.
Xususan, kecha Toshkent viloyati IIBB binosida aholi bilan ochiq muloqot shaklida navbatdagi shaxsiy qabul boʻlib oʻtdi. Unda fuqarolar tomonidan bildirilgan murojaatlar Toshkent viloyati IIBB boshligʻi polkovnik Abduvosit Abdurazakov va sohaviy oʻrinbosarlari tomonidan atroflicha koʻrib chiqildi.
Shu bilan birga, viloyatning tuman va shaharlarida ham ichki ishlar organlari rahbarlari tomonidan fuqarolar qabullari oʻtkazilib, ichki ishlar organlari faoliyatiga oid murojaatlar joyida oʻrganildi.
Qabul davomida murojaatlarning katta qismi ijobiy hal etildi. Ayrim masalalar yuzasidan esa masʼul xodimlarga aniq topshiriqlar berilib, ularning ijrosi alohida nazoratga olindi.
Toshkent viloyati IIBB Axborot xizmati