Interpol kanallari orqali xalqaro qidiruvda boʻlgan yana bir jinoyatchi Gruziyadan ekstraditsiya qilindi
2026-01-31 09:00:00 / Yangiliklar
Faol xalqaro hamkorlik natijasida Interpol kanallari orqali Oʻzbekiston Respublikasi Jinoyat kodeksining 118-moddasi 2-qismida nazarda tutilgan nomusga tegish jinoyatini sodir etganligi uchun qidiruvda boʻlgan Oʻzbekiston Respublikasi fuqarosi Oʻzbekistonga ekstraditsiya qilindi.
Qidiruvdagi shaxs Gruziya hududida boʻlgan va xalqaro qidiruv doirasida qoʻlga olingan.
Ekstraditsiya Oʻzbekiston va Gruziya Interpol MMB xodimlarining muvofiqlashtirilgan oʻzaro hamkorligi va qoʻshma tezkor-qidiruv tadbirlari natijasida amalga oshirildi.
Taʼkidlash joizki, ushbu ekstraditsiya soʻnggi ikki oy ichida Gruziya tomonidan qidiruvdagi Oʻzbekiston fuqarolarining uchinchi bor topshirishi boʻlib, bu huquqni muhofaza qilish organlarining ikki tomonlama hamkorligi yuqori samaradorligidan dalolat beradi.
Ekstraditsiya qilingan shaxs Oʻzbekiston Interpol xodimlari hamrohligida Oʻzbekiston Respublikasi hududiga olib kelinib, keyingi protsessual harakatlarni amalga oshirish va amaldagi qonunchilikka muvofiq javobgarlikka tortish uchun huquqni muhofaza qiluvchi organlar vakillariga topshirildi.