Surxondaryo viloyati Boysun tumanida xavfsiz muhitni taʼminlash va yoshlar bilan manzilli ishlash masalalari koʻrib chiqildi
2026-01-30 11:45:00 / Yangiliklar
Surxondaryo viloyati IIB boshligʻi polkovnik Timur Ismailov Boysun tumanida boʻlib, hududlarda jinoyatchilikning oldini olish va “Xavfsiz mahalla” tamoyilini joriy etish borasidagi ishlarni oʻrgandi. Mahalla yettiligi bilan oʻtkazilgan muloqotda Prezidentning PQ-1-sonli qarori ijrosi, hududlarni kameralashtirish, kiberjinoyatlarga qarshi kurashish va yoʻl harakati xavfsizligini taʼminlash masalalariga alohida eʼtibor qaratildi. Aniqlangan kamchiliklarni bartaraf etish va profilaktik tadbirlarni kuchaytirish yuzasidan masʼullarga qatʼiy topshiriqlar berildi.
Shuningdek, tumanda uyushmagan yoshlar bilan oʻtkazilgan uchrashuvda ularning bandligini taʼminlash, kasb-hunarga yoʻnaltirish va muammolarini hal etish choralari koʻrildi. Viloyat IIB boshligʻi yoshlarni qonunga hurmat ruhida tarbiyalash va boʻsh vaqtlarini mazmunli tashkil etish yuzasidan hayotiy tavsiyalar berib, ularning tashabbuslarini qoʻllab-quvvatladi. Ushbu tadbirlar hududda ijtimoiy barqarorlikni mustahkamlash va aholi osoyishtaligini taʼminlashga qaratilgan.
Surxondaryo viloyati IIB Axborot xizmati