Oʻzbekiston Respublikasi Kriminologiya tadqiqot institutida 2026-yil uchun rejalashtirilayotgan ustuvor vazifalar muhokama qilindi
2026-01-29 09:00:00 / Yangiliklar
Oʻzbekiston Respublikasi Kriminologiya tadqiqot institutida yangi yilda amalga oshirilishi rejalashtirilayotgan ishlar va loyihalar muhokamasi, shuningdek, oʻtgan davrda bajarilgan ishlar va faoliyat natijadorligi yuzasidan tahliliy yigʻilish boʻlib oʻtdi.
Yigʻilishda institut rahbariyati va xodimlari ishtirok etib, kriminologik tadqiqotlarni yanada rivojlantirish, ilmiy-amaliy loyihalarni kengaytirish, jinoyatchilikning oldini olishga qaratilgan zamonaviy yondashuvlarni joriy etish masalalari muhokama qilindi.
Jumladan, yangi yilda amalga oshirilishi rejalashtirilgan ilmiy izlanishlar, tahliliy hisobotlar, maʼrifiy loyihalar hamda xalqaro va mahalliy hamkorlikni rivojlantirish yoʻnalishlari boʻyicha takliflar bildirildi.
Shuningdek, oʻtgan yil davomida institut tomonidan amalga oshirilgan ishlar, erishilgan natijalar va mavjud muammolar atroflicha tahlil qilindi. Faoliyati davomida yuqori koʻrsatkichlarga erishgan, ilmiy va tashkiliy ishlarda faollik koʻrsatgan xodimlar taqdirlandi.
Yigʻilish yakunida kelgusidagi ustuvor vazifalar belgilab olinib, kriminologik tadqiqotlar orqali jamiyatda xavfsiz muhitni taʼminlashga qaratilgan aniq maqsadlar belgilandi.
Oʻzbekiston Respublikasi Kriminologiya tadqiqot instituti