Toshkent viloyatida ichki ishlar organlari rahbariyatining aholi bilan shaxsiy qabullari tashkil etilmoqda
2026-01-27 09:00:00 / Yangiliklar
Xabar qilganimizdek, har hafta viloyat, tuman va shahar ichki ishlar organlari rahbariyati tomonidan fuqarolar murojaatlarini oʻz vaqtida va samarali hal etishga qaratilgan shaxsiy qabullar oʻtkazib kelinmoqda.
Jumladan, kecha Toshkent viloyati IIBB binosida aholining ochiq muloqot tarzidagi shaxsiy qabuli boʻlib oʻtdi.
Unda fuqarolar murojaatlari viloyat IIBB boshligʻi sohalar boʻyicha oʻrinbosarlari tomonidan koʻrib chiqildi.
Bundan tashqari, tuman va shaharlarda ham ichki ishlar organlari rahbarlari tomonidan qabul oʻtkazilib, fuqarolarning IIO faoliyatiga oid murojaatlari oʻrganildi. Har bir murojaat tinglanib, tegishli chora-tadbirlar belgilandi.
Murojaatlarning aksariyati qabul jarayonidayoq ijobiy hal etildi. Ayrim masalalar boʻyicha masʼullarga aniq topshiriqlar berilib, ijrosi qatʼiy nazoratga olindi.
Mazkur qabullar aholining muammolarini oʻz vaqtida aniqlash va bartaraf etishda muhim omil boʻlib xizmat qilmoqda.
Toshkent viloyati IIBB Axborot xizmati