Toshkent shahridagi Olimpiya shaharchasida Voleybol boʻyicha erkaklar oʻrtasida Oʻzbekiston chempionati — Oliy liga bahslarining tantanali ochilish marosimi boʻlib oʻtdi
2026-01-26 08:00:00 / Yangiliklar
Ochilish marosimida Osiyo voleybol konfederatsiyasi prezidenti Ramon Suzara, Oʻzbekiston Respublikasi Ichki ishlar vaziri — Voleybol Federatsiyasi raisi Aziz Tashpulatov, Sport vaziri Adham Ikromov hamda sport jamoatchiligi ishtirok etdi.
Soʻnggi yillarda davlatimiz rahbari tomonidan sportga berilayotgan eʼtibor, ayniqsa olimpiya oʻyinlari tarkibiga kiritilgan jamoaviy sport turlarini rivojlantirish borasida amalga oshirilayotgan islohotlarga toʻxtalib, oʻtdi. Ayniqsa voleybolning yoshlar orasida yanada ommalashayotgani, bu borada xalqaro sport tashkilotlarining ham eʼtirofiga sabab boʻlayotganligi taʼkidlandi. Osiyo voleybol konfederatsiyasi prezidenti Ramon Suzaraning ushbu marosimdagi ishtiroki esa musobaqaning nufuzi va xalqaro miqyosdagi ahamiyatini yanada oshirdi.
Ushbu musobaqa 2026-yilgi voleybol mavsumining ilk va yeng muhim turniri sifatida alohida ahamiyat kasb yetadi. Musobaqa oʻyinlari Olimpiya shaharchasi jamoaviy sport turlari zali hamda “Jar” sport-sogʻlomlashtirish markazida oʻtkazilmoqda.
Jamoalar oʻrtasida qurʼa tashlash marosimi oʻtkazilib, 17 jamoa 4 guruhga boʻlingan holda 22-yanvardan rasmiy uchrashuvlar start oldi.
Joriy mavsumda ilk marotaba voleybol boʻyicha Oʻzbekiston chempionati bahslari “chellenj” tizimi yordamida oʻtkazilib, turnir davomida haqqoniylik va shaffoflikni yuksak saviyada taʼminlanmoqda. Bu esa yurtimizda voleybolni yanada rivojlantirish xalqaro miqyosda yanada yaxshi natijalarga erishishida katta qadam boʻldi.
Voleybol boʻyicha Oʻzbekiston chempionati 29-yanvarga qadar davom etadi.