Toshkent viloyatida rahbar va yoshlar oʻrtasida navbatdagi samimiy va ochiq muloqot oʻtkazildi
2026-01-24 16:05:00 / Yangiliklar
Yurtimizda yoshlar bilan ishlash davlat siyosatining muhim yoʻnalishlaridan biri hisoblanadi va bu yoʻnalish yildan-yilga izchil takomillashib, yoshlarning muammo va ehtiyojlariga mos holda yangi bosqichga koʻtarilmoqda.
Yoshlar muammolarini oʻrganish, takliflarini qoʻllab-quvvatlash va tashabbuslarini roʻyobga chiqarish bugun rahbarlar faoliyatining ustuvor vazifasiga aylangan. Davomi
Mazkur yondashuv doirasida bugun Yuqori Chirchiq tumanida DXX Toshkent viloyati boshqarmasi boshligʻi A.Ahmedov, viloyat prokurori A.Mirzayev, viloyat IIBB boshligʻi A.Abdurazzakov, Yuqori Chirchiq tumani hokimi U.Atemov, shuningdek, viloyat Yoshlar ishlari boshqarmasi boshligʻi N.Xojiyev yoshlar bilan uchrashib, ularni qiziqtirayotgan masalalar boʻyicha ochiq muloqot oʻtkazdilar.
Tadbir doirasida ishsiz yoshlar uchun mehnat yarmarkasi oʻtkazildi, shuningdek, yoshlar oʻz fikr-mulohazalari, taklif va murojaatlarini bevosita viloyat masʼullariga yetkazish imkoniyatiga ega boʻldilar.
Toshkent viloyati IIBB Axborot xizmati