Surxondaryo viloyatida yoshlar bilan muloqot oʻtkazildi, shuningdek, viloyat mahallalarida xavfsiz muhit oʻrganildi
2026-01-24 13:05:00 / Yangiliklar
Surxondaryo viloyatida IIB boshligʻi polkovnik Timur Ismailov ishtirokida yoshlar bilan ochiq muloqotlar va mahallalarda xavfsiz muhitni taʼminlashga qaratilgan ishlar amalga oshirilmoqda. Angor, Muzrabot va Sherobod tumanlarida tashkil etilgan uchrashuvlarda yoshlarning muammo va takliflari tinglanib, ularni kasb-hunarga yoʻnaltirish, bandligini oshirish, boʻsh vaqtni mazmunli tashkil etish masalalariga eʼtibor qaratildi. Shuningdek, huquqbuzarliklarning oldini olish va zararli odatlardan voz kechish yuzasidan hayotiy misollar asosida tushuntirishlar berildi.
Bundan tashqari, viloyat shahar va tumanlarida Prezidentning 2026-yil 5-yanvardagi PQ-1-son qarori ijrosi doirasida jinoyatchilikni barvaqt oldini olish, mahallalarda xavfsiz muhitni yaratish, tungi xizmatni toʻgʻri tashkil etish, kameralashtirish ishlari, kiberjinoyatlarning oldini olish hamda ishsizlikka qarshi choralar oʻrganildi. Jarqoʻrgʻon tumani “Doʻstlik” mahallasida oʻtkazilgan uchrashuvda jamoatchilik bilan hamkorlikda “ijtimoiy profilaktika” tadbirlarini manzilli amalga oshirish boʻyicha topshiriqlar berildi. Shu bilan birga, mavjud kamchiliklar koʻrsatilib, ularni bartaraf etish boʻyicha masʼullarga aniq vazifalar yuklatildi.
Surxondaryo viloyati IIB Axborot xizmati