Ichki ishlar vazirligi rahbariyati tomonidan Navoiy viloyat hududida 2025-yil davomida jinoyat va huquqbuzarliklarning oldini olish borasida amalga oshirilgan ishlar sarhisobiga bagʻishlangan yigʻilish boʻlib oʻtdi
2026-01-21 09:00:00 / Yangiliklar
Oʻtgan davr mobaynida viloyat hududida jinoyat va huquqbuzarliklarning oldini olish borasida amalga oshirilgan ishlar, yoʻl qoʻyilgan xato va kamchiliklar hamda kelgusidagi ustuvor vazifalar muhokamasiga bagʻishlangan yigʻilishda Ichki ishlar vaziri oʻrinbosari, general-mayor B.Yu.Mirzaraximov, viloyat IIB boshligʻi polkovnik A.D.Tasbayev, boshqarma boshligʻi oʻrinbosarlari, sohaviy xizmat hamda shahar-tuman IIB rahbarlari ishtirok etishdi.
Viloyat IIB boshligʻi soʻz olib, kun tartibidagi masalalar bilan tanishtirdi. Soʻng viloyat hududida huquqbuzarlik va jinoyatchilikning barvaqt oldini olish, kriminogen vaziyati ogʻir boʻlgan hududlar, jinoyatchilikni jilovlashda yoʻl qoʻyilgan kamchiliklar va bu borada ichki ishlar boʻlimlari va sohaviy xizmatlarning faoliyatlari tahlil qilindi.
Shuningdek mamlakatimiz rahbari tomonidan mahallalarda xavfsiz muhitni yaratishga qaratilgan qarorning mazmun mohiyati, ijrosini taʼminlashda yettilik va huquqni muhofaza qiluvchi boshqa organlar bilan hamkorlikni mustahkamlash xususida soʻz bordi.
Bundan tashqari fuqarolar murojaatlarini oʻrganish, tez va sifatli hal etish, xizmat intizomi hamda qonunchilik talablariga qatʼiy rioya etish yuzasidan tegishli koʻrsatmalar berildi.
Navoiy, Zarafshon shaharlari, Xatirchi, Karmana, Navbahor, Tomdi tumanlarida jinoyat va huquqbuzarliklar, yoʻl-transport hodisalari birmunchaga oshganligi, profilaktik ishlar yetarli darajada yoʻlga qoʻyilmaganligi tanqid ostiga olindi.
Kelgusida jinoyatchilikni oldini olish, jilovlash va fosh etish, fuqarolar tinchligi, osoyishtaligini taʼminlash borasida masʼullarga zarur topshiriqlar berildi.
Navoiy viloyati IIB Axborot xizmati