IIV Akademiyasida Strategik tahlil va istiqbolni belgilash oliy maktabi bilan hamkorlikda oʻquv kursi tashkil qilindi
2026-01-20 11:25:00 / Yangiliklar
Maʼlumki, davlat organlari tizimida axborot-tahlil ishining samarali yoʻlga qoʻyilgani islohotlar natijadorligini taʼminlaydi. Magistratura tinglovchilari uchun tashkil qilingan oʻquv kursi ham ichki ishlar organlarida axborot-tahlil faoliyatini takomillashtirish, rahbar kadrlarning salohiyatini oshirishga qaratildi.
Bir haftalik oʻquv kursi davomida oliy maktabning yetuk salohiyatli professor-oʻqituvchilari tomonidan axborot-tahlil ishini samarali tashkil etish, axborot-tahliliy hujjatlar tayyorlashning talablari, axborot-tahlil faoliyatida internet imkoniyatlaridan foydalanish, axborot va sunʼiy intellekt texnologiyalari yordamida koʻrgazmali maʼlumotlarni tahlil qilish kabi yoʻnalishlarda interfaol mashgʻulotlar oʻtkazildi.
“Tashkiliy-strategik boshqaruv” va “tashkiliy-taktik boshqaruv” mutaxassislik yoʻnalishi tinglovchilari axborot-tahlil faoliyatini zamonaviy yondashuvlar asosida olib borish, axborotni yigʻish, tahlil qilish va baholash, shu asosda strategik qarorlar qabul qilish boʻyicha zarur bilim hamda koʻnikmalarga ega boʻldilar.
IIV akademiyasi Axborot xizmati