“14-yanvar — Vatan himoyachilari kuni” munosabati bilan IIV Qorovul qoʻshinlari harbiy qismlarida maʼnaviy-maʼrifiy tadbir boʻlib oʻtdi
2026-01-17 07:15:00 / Yangiliklar
Oʻzbekiston Respublikasi Qurolli kuchlar tashkil etilganligining 34-yilligi hamda Vatan himoyachilari kuni munosabati bilan Toshkent viloyati Boʻstonliq tumanida joylashgan harbiy qismda tantanali tadbir tashkil etildi. Ushbu bayramona uchrashuvga shartnoma asosida xizmat qilib kelayotgan harbiy xizmatchilar, serjantlar va ofitserlarning ota-onalari taklif etildi.
Tadbir davomida mehmonlar uchun maxsus dastur tayyorlandi. Oʻz farzandlarini vatanparvarlik, mardlik va sadoqat ruhida tarbiyalab, voyaga yetkazgan ota-onalarga chuqur minnatdorlik bildirildi. Ularning fidoyiligi va sabr-toqati eʼtirof etilib, esdalik sovgʻalari hamda koʻkrak nishonlari topshirildi.
Bayramona kayfiyatni yanada koʻtarish maqsadida qorovul qoʻshinlari qoʻmondonligi ansambli tomonidan konsert dasturi namoyish etildi. Tadbir davomida ota-onalar oʻz farzandlari bilan faxrlanishlarini yashirmadilar. Ular Oʻzbekiston Respublikasi Qurolli Kuchlari safida xizmat qilayotgan oʻgʻillarining yurt tinchligi va osoyishtaligini taʼminlash yoʻlidagi xizmatlari bilan faxrlanishlarini taʼkidlab oʻtdilar.
Mazkur tadbir harbiy xizmatchilar va ularning ota-onalari uchun unutilmas lahzalarga boy boʻldi.
IIV Qorovul qoʻshinlari qoʻmondonligi Axborot guruhi