Qashqadaryo viloyati IIBda oʻtgan yilda amalga oshirilgan ishlar, boshqaruv va xizmat faoliyati samaradorligini oshirishga qaratilgan tahliliy-tanqidiy yigʻilish boʻlib oʻtdi
2026-01-13 09:35:00 / Yangiliklar
Qashqadaryo viloyati Ichki ishlar boshqarmasi boshligʻi rahbarligida boʻlib oʻtgan yigʻilishda boshqarma boshligʻi oʻrinbosarlari, sohaviy xizmatlar rahbarlari, shuningdek, shahar va tuman ichki ishlar boʻlimlari boshliqlari hamda shaxsiy tarkibi videoselektor tarzida ishtirok etdi.
Yigʻilishda boshqarma boshligʻi, polkovnik Abduvoxid Ismoilov soʻzga chiqib, Yurtboshimiz tomonidan 2025-yil yakunlari boʻyicha Oʻzbekiston xalqiga yoʻllangan Murojaatnomasida belgilab berilgan 6 ta ustuvor yoʻnalish hamda Oʻzbekiston Respublikasi Prezidentining 2026-yil 5-yanvar kuni qabul qilingan 1-son hamda 2-son qarorlari, shuningdek, Ichki ishlar vazirligi tomonidan qabul qilingan buyruq va farmoyishlar mazmun-mohiyati shaxsiy tarkibga atroflicha toʻliq tushuntirdi.
Muhtaram Prezidentimiz tomonidan 2026-yil Oʻzbekistonda “Mahallani rivojlantirish va jamiyatni yuksaltirish yili” deb eʼlon qilinganini taʼkidlab, Davlat rahbarining qarorlari ijrosi doirasida mahallalar xavfsizligi, jinoyatchilik profilaktikasi, yoshlar bilan ishlar tadbirlarini yanada jadallashtirish lozimligi barcha shaxsiy tarkib eʼtiboriga yetkazildi.
Yigʻilishda kuzatilgan yilda avvalo, vohada xavfsiz va sogʻlom muhitni yaratish, jinoyatlarni oldini olish, sodir etilganlarini fosh etish, axborot texnologiyalari sohasidagi jinoyatlar, huquqbuzarliklarga barham berish, jamoat tartibi va fuqarolar xavfsizligini taʼminlash borasida amalga oshirilgan ishlar sohaviy xizmatlar boʻyicha alohida-alohida tanqidiy-tahlil etildi.
Tanqidiy ruhda oʻtgan yigʻilishda ichki ishlar organlari rahbar kadrlarining boshqaruv faoliyatini yanada takomillashtirish hamda xizmat faoliyatida samaradorlikka erishish, xizmat davomida erishilgan yutuqlar bilan birga yoʻl qoʻyilgan kamchiliklari tahlil etilib, masʼullar oldiga aniq vazifalar qoʻyildi.
Jarayonda xizmatni samarali tashkillashtirish, boshqaruv qarorlarini oʻz vaqtida va sifatli ijro etish, xizmat intizomini mustahkamlash, qonun talablariga qatʼiy rioya etish masalalari ham muhokama qilindi.
Har bir sohaviy xizmatning faoliyat yoʻnalishiga oid dolzarb masalalar, rahbar kadrlarga xizmat faoliyatini yanada samarali tashkil etish, maʼnaviy-maʼrifiy ishlarni tizimli yoʻlga qoʻyish hamda jamoalarda sogʻlom muhitni shakllantirish boʻyicha topshiriqlar berildi.
Qashqadaryo viloyati IIB Axborot xizmati