Shaxsiy tarkibning ruhiy barqarorligini taʼminlash, kasbiy zoʻriqishlarni oldini olish va bu orqali xizmat sifatini yaxshilash maqsadida oʻquv-seminar hamda trening mashgʻulotlari oʻtkazildi
2026-01-11 10:20:00 / Yangiliklar
Toshkent viloyati Qoʻriqlash xizmati psixologlari tomonidan shaxsiy tarkibning ruhiy barqarorligini taʼminlash, kasbiy zoʻriqishlarni oldini olish va bu orqali xizmat sifatini yaxshilash yaxshilash maqsadida oʻquv-seminar hamda trening mashgʻulotlari oʻtkazildi.
Tadbir davomida psixologlar tomonidan “Shaxs psixologiyasining dolzarb masalalari” mavzusida mashgʻulotlar tashkil qilinib, xodimlarning kasbiy faoliyati davomida uchrashi mumkin boʻlgan ruhiy zoʻriqish holatlari va ularni psixologik texnologiyalar orqali bartaraf etish usullari oʻrgatildi.
Oʻtkazilgan oʻquv-seminar va trening mashgʻulotlari shaxsiy tarkib ruhiy salomatligini mustahkamlashga va kelgusida xizmat samaradorligini oshirishga, xizmat jarayonlarida, shuningdek xodimlarning shaxsiy hayotlarida ruhiy barqarorliklarini taʼminlashga, xizmat jamoalarida iliq psixologik muhitni shakllantirishga xizmat qiladi.
Shu bilan birga Namangan shahar Qoʻriqlash xizmati xodimlari ishtirokida “Ruhiy zoʻriqishlardan xalos boʻlish va psixologik muvozanatni tiklash” mavzusida psixologik trening mashgʻuloti oʻtkazildi.
Mazkur treningning xizmat faoliyati davomida xodimlarda yuzaga keladigan stress holatlarini bartaraf etish, ruhiy zoʻriqishlarni kamaytirish hamda psixologik barqarorlikni mustahkamlashdan iborat boʻldi.
Trening jarayonida ishtirokchilarga stressni boshqarish, salbiy his-tuygʻularni nazorat qilish, jamoada sogʻlom psixologik muhitni shakllantirish boʻyicha amaliy mashqlar va zamonaviy psixologik usullar oʻrgatildi. Psixologik taʼminlash guruhi mutaxassislari tomonidan interaktiv mashgʻulotlar, guruhli muhokamalar va psixotexnik mashqlar tashkil etildi.
IIV huzuridagi Qoʻriqlash departamenti Axborot xizmati