Namangan viloyati Ichki ishlar organlarining inspektor-psixologlari uchun oʻquv-seminar tashkil etildi
2026-01-11 10:00:00 / Yangiliklar
Namangan viloyati IIB JXX HPB tomonidan umumtaʼlim maktablariga biriktirilgan inspektor-psixologlar faoliyatini yanada takomillashtirish, ularning kasbiy bilim va amaliy koʻnikmalarini oshirish, shuningdek qonunchilikdagi sohaga oid yangi normativ-huquqiy hujjatlar mazmun-mohiyatini shaxsiy tarkibga yetkazish maqsadida navbatdagi oʻquv-seminar tashkil etildi.
Seminar doirasida viloyat hududida 2026-yil uchun voyaga yetmaganlar oʻrtasida jinoyatchilikni oldini olish boʻyicha belgilangan eng muhim samaradorlik koʻrsatkichlari hamda oʻtgan yil davomida yoʻl qoʻyilgan kamchiliklar haqida atroflicha maʼlumot berildi.
Shu bilan birga mazkur seminarda savol-javoblar oʻtkazilib, masʼullar tomonidan aniq misollar asosida tushuntirishlar berildi. Xususan, muhokama qilingan mavzular yanada mustahkamlanib, amaliy xulosalar chiqarildi.
Namangan viloyati IIB Axborot xizmati