IIV Malaka oshirish institutida qonunga xilof ravishda ushlab turish holatlarini oldini olishda rahbarlarning roliga bagʻishlangan binar oʻquv mashgʻuloti oʻtkazildi
2026-01-10 11:45:00 / Yangiliklar
Ichki ishlar vazirligi Kasaba uyushmasi raisi oʻrinbosari, isteʼfodagi polkovnik, yuridik fanlari doktori, professor Sattarov Abdugʻofur Hamidovich va IIV MOI Yuridik fanlar kafedrasi boshligʻi, yuridik fanlar nomzodi, professor Suvankulov Mehmonali Ismoilovichlar tomonidan Ichki ishlar organlarining barcha darajadagi boʻlim boshliqlari, tuman (shahar, tarmoq) ichki ishlar organlari boshligʻining oʻrinbosari lavozimiga tayinlash uchun tashkil etilgan malaka oshirish oʻquv kursi tinglovchilariga “Qonunga xilof ravishda ushlab turish holatlarini oldini olishda rahbarlarining roli” mavzusida binar shaklda oʻquv mashgʻuloti oʻtkazildi.
Mavzu doirasida tinglovchilarga kelgusi amaliy faoliyatlarida qonunga xilof ravishda ushlab turish huquqbuzarligining tarkibi, kelib chiqadigan huquqiy oqibatlari, maʼmuriy va jinoyat qonunchiligi asosida tayinlanadigan jazo turlari, shuningdek rahbarlarning mazkur holatlarni oldini olishda amalga oshirilishi lozim boʻlgan harakatlari xususida huquqiy bilimlar berildi.
IIV Malaka oshirish instituti